Ч.Сансар

ХАНОЙ, 3-р сарын 14 (Ройтерс) - Вьетнамын Худалдааны сайд АНУ-д айлчлах үеэр Вьетнам, Америкийн компаниуд эрчим хүч, ашигт малтмалын чиглэлээр хэд хэдэн гэрээ хэлэлцээрт гарын үсэг зурлаа гэж Вьетнамын төрийн хэвлэл мэдээллийнхэн баасан гарагт мэдэгдлээ.

Вьетнамын компаниуд Америкаас түүхий нефть, байгалийн шингэрүүлсэн хий (LNG) худалдан авах сонирхолтой байгаа тул АНУ-ын компаниудтай ярилцаж байгаа гэж төрийн өмчит “PetroVietnam Power” компани мэдээлсэн юм. Уг компанийн удирдлагууд сайдыг дагалдан явж, Америкийн талтай гэрээ хэлэлцээр байгуулсан юм. "Вьетнамын Худалдааны сайд Нгуен Хонг Диен худалдааны хамтын ажиллагааг хэлэлцэх зорилгоор АНУ-д ирээд байна. PetroVietnam Power нь GE Vernova компанитай хийн түлшээр ажилладаг цахилгаан станцын тоног төхөөрөмж худалдан авах санамж бичигт гарын үсэг зурлаа" гэж тус компани мэдэгдлээ..

Тус компанийн байгуулсан гэрээнүүдийн талаар дэлгэрэнгүй мэдээлэл өгөөгүй, гэхдээ тус гэрээ нь 4.15 тэрбум ам.доллараар үнэлэгдсэн гэж мэдэгджээ.

Үүнээс гадна PetroVietnam Gas, Conoco Phillips, Excelerate нар гэрээ байгуулсан бол Вьетнамын газрын тос боловсруулах үйлдвэр Binh Son Америкийн Kellogg Brown & Root компанитай гэрээнд гарын үсэг зурсан юм. 

АНУ-ын ерөнхийлөгч Дональд Трамп холбогдох агентлагуудад АНУ-ын худалдааны алдагдлын байдал болон худалдааны бусад асуудлуудыг ирэх сарын дотор иж бүрэн судалж, дүн шинжилгээ хийх үүрэг өгсөн аж.  Вьетнамын сайдын айлчлал нь энэхүү хугацаанаас өмнө болж байгаагаараа онцлогтой юм. 

Ази тивд Вьетнам, Тайвань, Тайланд зэрэг улсуудын АНУ-д хийдэг экспорт/ДНБ-ий харьцаа харьцангуй өндөр байгаа тул Трампын тарифын шинэ бодлогод өртөх хамгийн их магадлалтай улсууд гэж Ройтерс онцолжээ.

Эх сурвалж: reuters.com