Энэтхэгийн нүүрсний хэрэглээ 2050 он гэхэд хоёр дахин нэмэгдэнэ

Энэтхэгийн засгийн газрын бодлогын судалгааны төв болох NITI Aayog-ийн мягмар гарагт гаргасан шинэ тайланд Энэтхэгийн нүүрсний эрэлт 2050 он гэхэд одоогийн түвшингээс хоёр дахин ихэсч магадгүй гэжээ.

Энэтхэг улс одоогийн бодлогоо үргэлжлүүлбэл дотоодын нүүрсний эрэлт 2070 он хүртэл өсөх юм байна. Энэ тохиолдолд урт хугацааны эрэлт 2025 оны 1.256 тэрбум тонноос хоёр дахин нэмэгдэж, 2050 он гэхэд 2.6 тэрбум тоннд хүрэх төлөвтэй.

Сэргээгдэх эрчим хүчний салбарын хөгжлийн улмаас нүүрсний эзлэх хувь 2025 оны 73%-иас 2070 онд 47% хүртэл буурна гэж таамаглаж байна.

Энэ нь Энэтхэг одоогийн бодлогоо өөрчлөхгүй бол эрчим хүчний салбарт нүүрс давамгайлах хэвээр байх болно гэдгийг харуулж байна.

Сэргээгдэх эрчим хүчний станцууд шинээр баригдаж, ашиглалтад орж байгаа ч Энэтхэг улс эрчим хүчний эрэлт хэрэгцээгээ бүрэн хангахын тулд нүүрснээс хамааралтай хэвээр байна.

Нүүрс нь дараагийн хорин жилд Энэтхэгийн эрчим хүчний системд гол үүрэг гүйцэтгэх хэвээр байх болно гэж NITI Aayog төвийн эрчим хүчний зөвлөх Ражнатх Рам хэлжээ.

Эх сурвалж: oilprice.com