Эрдсийг эрдэнэст
Ирээдүйг өндөр хөгжилд
Ирээдүйг өндөр хөгжилд
Mining The Resources
Minding the future
Minding the future
Т.Бямбанаран
Монгол болон Торонтогийн Хөрөнгийн биржид давхар бүртгэлтэй “Erdene Resource Development” компани 2025 оны 12 дугаар сарын 31-ээр эцэслэсэн санхүүгийн жилийн үйл ажиллагаа болон үйлдвэрлэлийн үр дүнгээ танилцуулж, Баянхөндий алтны уурхайн талаарх шинэ мэдээллийг хүргэлээ. Баянхөндий төслийг тус компанийн “Mongolian Mining Corporation”-тэй хамтран байгуулсан компани болох Эрдэнэ Монгол ХХК ажиллуулж байна.
Өндөр агуулга бүхий Баянхөндий алтны уурхайг 2025 оны III улиралд бүрэн барьж дуусгасан бөгөөд 2025 оны 9 дүгээр сард анхны алтаа үйлдвэрлэсэн. Тус компани 7,434 унц алтыг нэг унц нь дунджаар 4,187 ам.доллароор борлуулж, мөнгөний дайвар бүтээгдэхүүнийг оролцуулаад нийт 31 сая ам.долларын борлуулалтын орлого олжээ.
“Erdene Resource Development”-ийн Ерөнхийлөгч бөгөөд Гүйцэтгэх захирал Петер К.Акерли хэлэхдээ, “Баянхөндий алтны уурхай нь өсөн дэвжиж буй “Хөндий” Эрдсийн Дүүргийн хөгжлийн суурь болж байна. Энэхүү бүс нь Ази тивийн хэмжээнд хамгийн ирээдүйтэй шинэ ашигт малтмалын бүсүүдийн нэг” гэдгийг онцоллоо.
Мөн тэрээр Баянхөндий алтны ордын ашиглалтын эхний саруудад гарсан ахиц дэвшилд бид сэтгэл хангалуун байгаагаа илэрхийлэхийн сацуу тусгай зөвшөөрлийн талбайд уурхайн ашиглалтын хугацааг уртасгах, эсвэл Баянхөндий дэх үйл ажиллагааг өргөжүүлэх боломжтой гэж үзэж байгаагаа хэлсэн юм.
Хамгийн сүүлд хийсэн хайгуулын ажлын үр дүнд “Dark Horse” ордод алтны эрдэсжилт тэлж, 2027 оны III улирлаас Баянхөндийд олборлон боловсруулахаар төлөвлөсөн өндөр агуулга бүхий нөөцийн хэмжээг улам нэмэгдүүлж байгаа ажээ.
"Erdene Resource Development" компани Баянхөндий төсөлтэй зэрэгцэн молибденийн томоохон төсөл хөгжүүлж байгаа. "Зуун мод" ордын молибден-зэсийн баттай болон бодит нөөц шинэчилсэн тооцооллоор 22%-иар нэмэгдэж, 333 сая фунт болсон бол зэсийн нөөц нь 16%-иар өсөж, 384 сая фунт хүрсэн ажээ.
Эх сурвалж: “Erdene Resource Development”