ХАСУ ДАЯН ХХК ОРОН НУТГИЙН ШИЛДЭГ ТАТВАР ТӨЛӨГЧ КОМПАНИ БОЛЛОО

Өмнөговь аймгийн Даланзадгад хотод зохион байгуулагдсан “Уул уурхайн нээлттэй  өдөрлөг – 2026” арга хэмжээний үеэр орон нутгийн төсөвт төвлөрүүлсэн татвар, говь нутгийн хөгжил дэвшилд оруулсан хувь нэмрийг үнэлэн “Шилдэг татвар төлөгч” аж ахуй нэгжүүдийг шалгаруулж аймгийн удирдлагууд хүндэтгэл үзүүлж шагналыг гардууллаа.

Эрчим хүч,  уул уурхайн салбарт технологийн шийдлээр манлайлагч Хасу Даян ХХК нь нарийн мэргэжлийн боловсон хүчнийг бэлтгэж “Монголд бүтээв” уриан дор олон улсын стандартад нийцсэн үйлчилгээг өмнийн говьд нутагшуулан ажиллаж байгаа юм.

Тус компани нь 2025 онд орон нутгийн төсөвт 8,2 тэрбум төгрөгийг бүрдүүлээд зогсохгүй орон нутгийн тогтвортой хөгжилд чиглэсэн төслүүдийг тууштай дэмжиж, орон нутагт үйлдвэрлэл, үйлчилгээний цех, сургалтын цогцолборыг ашиглалтад оруулахаар хөрөнгө оруулалтуудыг тогтмол хийж байгаа ажээ. 

“Уул уурхайн нээлттэй өдөрлөг – 2026” арга хэмжээ хоёр өдрийн турш амжилттай зохион байгуулагдсан бөгөөд энэхүү арга хэмжээг төрийн болон төрийн бус нийт 13 байгууллага хамтран зохион байгуулж, уул уурхайн салбарын үндсэн болон туслан гүйцэтгэгч 62 аж ахуйн нэгж оролцсон байна.