ГАН ҮЙЛДВЭРЛЭЛЭЭР ДЭЛХИЙД ТЭРГҮҮЛЭГЧ ОРНУУД

Т.Бямбанаран

Гол дүгнэлт:

• 2025 онд Хятад улс дэлхийн гангийн нийт үйлдвэрлэлийн 52%-ийг дангаараа бүрдүүлж, удаах 12 улсын нийлбэрээс ч илүү хэмжээний ган үйлдвэрлэжээ.
• Энэтхэг улс дэлхийн хоёр дахь том ган үйлдвэрлэгч хэвээр үлдсэн бол АНУ болон Япон тус бүр дэлхийн нийт үйлдвэрлэлийн ойролцоогоор 4.4%-ийг бүрдүүлжээ.

Ган хэмээх энэхүү метал барилга байгууламж, дэд бүтэц, автомашин үйлдвэрлэл тэргүүтэй олон салбарын суурь болдог тул дэлхийн хамгийн чухал аж үйлдвэрийн түүхий эдүүдийн нэг хэвээр байна. Иймээс хамгийн их ган үйлдвэрлэдэг улс орнууд дэлхийн эдийн засаг болон түүхий эдийн зах зээлд онцгой нөлөө бүхий байр суурь эзэлдэг.

Энэхүү графикт Дэлхийн гангийн холбооны түүхий гангийн үйлдвэрлэлийн мэдээлэлд үндэслэн 2025 онд ган үйлдвэрлэлийн хэмжээгээр тэргүүлсэн орнуудын жагсаалтыг харуулжээ.

БНХАУ дэлхийн гангийн үйлдвэрлэлд давамгайлж байгаа бол Азийн бусад орон болон АНУ, Герман зэрэг аж үйлдвэр өндөр хөгжсөн орнууд мөн томоохон хувь нэмэр оруулсаар байна.

2025 онд дэлхийн түүхий гангийн нийт үйлдвэрлэл 1,849.4 сая тонн байсан бөгөөд үүнээс 960.8 сая тонныг Хятад улс дангаараа үйлдвэрлэжээ.

Өөрөөр хэлбэл, тус улс дэлхийн гангийн үйлдвэрлэлийн 52%-ийг бүрдүүлж байгаа нь удаах 12 үйлдвэрлэгч орны нийлбэрээс ч давсан үзүүлэлт юм.

Хятадын гангийн эрэлт хэрэгцээ нь төмрийн хүдэр болон коксжих нүүрсний үнэд хүчтэй нөлөөлдөг.

Энэтхэг улс 164.9 сая тонн ган үйлдвэрлэлээр хоёрдугаарт жагсаж, дэлхийн нийт үйлдвэрлэлийн 8.9%-ийг бүрдүүлжээ.

Тус улсад сүүлийн хэдэн арван жилийн турш дэд бүтцийн хөрөнгө оруулалт болон хотжилт эрчимжихийн хэрээр гангийн үйлдвэрлэлийн хүчин чадлаа тогтвортой нэмэгдүүлсээр ирсэн.

АНУ болон Япон улс тус бүр 82 сая тонн болон 80.7 сая тонн ган үйлдвэрлэж, дэлхийн нийт үйлдвэрлэлийн ойролцоогоор 4.4%-ийг эзэлжээ.

Эх сурвалж: Visual Capitalist, Дэлхийн Гангийн холбоо