АИ-92 автобензиний наймдугаар сарын татан авалт 66 мянган тоннд хүрээд байна

Манай улсын АИ-92 автобензиний сарын хэрэглээ оргил ачааллын үедээ 70 мянган тоннд хүрдэг. Тэгвэл энэ сарын нийлүүлэлт болон нөөц бүрдүүлэлтийн талаар Аж үйлдвэр, эрдэс баялгийн сайд Г.Дамдинням мэдээлэл өглөө.

Нийлүүлэлтийн баталгаажсан захиалгууд:

-ОХУ-ын "Роснефть" компаниас: 50 мянган тонн

-Бусад нийлүүлэгчдээс: 10 мянган тонн

-БНХАУ-аас: 6 мянган тонн

Нийт 66 мянган тонн АИ-92 автобензин авах захиалга баталгаажаад байна.

Шатахууны эх үүсвэрийг төрөлжүүлэх, эрсдэлээс урьдчилан сэргийлэх болон нөөц бүрдүүлэх зорилгоор БНСУ-аас 20 мянган тонн АИ-92 автобензин авахаар төлөвлөн ажиллаж байна.

Шатахууны асуудлаар Ерөнхий сайдын захирамжаар байгуулагдсан Шуурхай штаб хуралдаж, нөөцийн зохион байгуулалтын талаарх шийдвэрүүдийг гарган олон нийтэд танилцуулахаар ажиллаж байна.