Эрдсийг эрдэнэст
Ирээдүйг өндөр хөгжилд
Ирээдүйг өндөр хөгжилд
Mining The Resources
Minding the future
Minding the future
Аж үйлдвэр, эрдэс баялгийн сайд Г.Дамдинням БНХАУ-ын эрчим хүч, байгалийн хийн салбарт тэргүүлэгч “Чайна Газ” (China Gas) компанийн захирал Чан Лианийг хүлээн авч уулзлаа.
Уулзалтын үеэр “Чайна Газ” компанийн зүгээс Монгол Улсын эрчим хүчний эх үүсвэрт түшиглэн хэрэгцээ шаардлагатай аймаг, орон нутаг болон уул уурхайн ордуудыг цахилгаан эрчим хүчээр хангахаас гадна дизель түлш, шингэрүүлсэн байгалийн хий (LNG) үйлдвэрлэх чиглэлээр хамтран ажиллах сонирхолтой байгаагаа илэрхийлж, төрийн дэмжлэг хүсэв.
БНХАУ-ын “Чайна Газ” компани нь байгалийн хий үйлдвэрлэлийн чиглэлээр дагнан ажилладаг томоохон аж ахуйн нэгж бөгөөд одоогоор 100–300 МВт болон 5–10 МВт-ын хүчин чадалтай эрчим хүчний төслүүдийг хэрэгжүүлэхээр зорин ажиллаж байна. Түүнчлэн олон улсын зах зээлд шатахууны нийлүүлэлтийн тодорхойгүй байдал үүсээд буй энэ үед Монгол Улсын хүрэн нүүрснээс метан хий гаргаж авах, дизель түлш үйлдвэрлэх төсөлд хөрөнгө оруулалт хийх сонирхлоо илэрхийлсэн юм.
Сайд Г.Дамдинням Үйлдвэр, технологийн паркийн эрх зүйн зохицуулалтын хүрээнд аж үйлдвэрийн төслүүдийг бүрэн дэмжиж, хөрөнгө оруулагчдад татварын ба татварын бус таатай орчин бүрдүүлэн ажиллахаа мэдэгдлээ.
Уулзалтын дүнд талууд холбогдох албаны түвшинд мэдээлэл солилцож, Тэзүү хөгжлийн тооцоо (ТЭЗҮ) болон бусад шаардлагатай баримт бичгийг боловсруулах замаар хамтын ажиллагааг идэвхжүүлэхээр тохиролцов.
Эх сурвалж: АҮЭБЯ