Эрдсийг эрдэнэст
Ирээдүйг өндөр хөгжилд
Ирээдүйг өндөр хөгжилд
Mining The Resources
Minding the future
Minding the future
Т.Бямбанаран
АНУ импортын тариф ногдуулж болзошгүй гэсэн болгоомжлол нэмэгдэж, улмаар зэсийг тус улсын агуулахууд руу их хэмжээгээр татахын хэрээр зэсийн үнэ Нью-Йоркт шинэ дээд амжилт тогтоолоо. Харин Лондоны металлын бирж дээр бүх цаг үеийн хамгийн өндөр түвшинд тун ойртлоо. Ийнхүү АНУ-аас бусад зах зээлд хомсдол үүсэхэд хүрээд байна.
Комекс бирж дээр есдүгээр сард нийлүүлэх зэсийн фьючерсийн үнэ 1.8%-иар өсөж, нэг тонн нь ойролцоогоор 14,830 ам.долларт хүрчээ. Энэ нь наймдугаар сарын 12-нд тогтоосон дээд амжилтыг давсан үзүүлэлт юм. Даваа гарагт /2026.08.17/ зэсийн үнэ 14,201 ам.доллар болж хаагдсан нь түүхэн дэх хамгийн өндөр хаалтын үнэ болсон аж. Наймдугаар сарын 17-нд тонн нь 14,396 ам.долларт хүрч, нэгдүгээр сарын сүүлээс хойших дээд түвшинд хүрсэн.
АНУ энэ оны эхний хагаст 885 мянган тонн цэвэршүүлсэн зэс импортолсон нь өмнөх оны мөн үеэс 3%-иар өссөн үзүүлэлт боллоо. Тус улсад цэвэршүүлсэн зэсэд 2027 оны нэгдүгээр сараас 15%-ийн, 2028 оноос 30%-ийн импортын татвар ногдуулах хувилбар одоогоор хэлэлцээрийн шатанд явж байна.
Энэ онд дэлхийн зэсийн зах зээлд 639 мянган тонны илүүдэл үүснэ гэж өмнө нь төсөөлж байсан ч одоо зах зээлийг хамгийн сайндаа л эрэлт, нийлүүлэлт нь тэнцвэржинэ хэмээн үнэлэх болжээ.
Эх сурвалж: mining.com