Дэлхийн банк чухал ашигт малтмалын санхүүжилтийг 19 тэрбум ам.долларт хүргэж, 5 дахин нэмэгдүүлнэ 

О.Дөлгөөн

Дэлхийн банкны ерөнхийлөгч Ажай Банга чухал ашигт малтмалын чиглэлийн үйл ажиллагаагаа таван жилийн хугацаанд тав дахин нэмэгдүүлэх зорилт тавьсан бөгөөд чухал ашигт малтмалыг олборлох, боловсруулах төслүүдэд хамтран ажиллах боломжтой 20 орныг тодорхойлсон гэв.

Дэлхийн банкны металл болон ашигт малтмалыг хэрэгжүүлэх шинэ төлөвлөгөө нь 2026–2030 санхүүгийн жилд чухал ашигт малтмалын санхүүжилтэд 19 тэрбум ам.доллар зарцуулахаар зорилт тавьж байгаа бөгөөд энэ нь 2021–2025 санхүүгийн жилд олгосон 3.6 тэрбум ам.доллартай харьцуулахад үлэмж хэмжээгээр нэмэгдсэн үзүүлэлт юм.

Чухал ашигт малтмалын салбарын хөгжил нь Дэлхийн банкны хамгийн том хувьцаа эзэмшигч болох АНУ-ын зүгээс банкийг илүү их санхүүжилтийн эх үүсвэр хуваарилахыг шаардаж буй гол чиглэлүүдийн нэг юм.

Мөн тэрээр 6-р сарын 30-нд дууссан 2026 оны санхүүгийн жилд Дэлхийн банкны нийт санхүүжилт нэмэгдсэнийг тоймлон танилцуулав. Үүнд 112 тэрбум ам.долларын хувийн капиталыг татан төвлөрүүлсэн нь түүнийг ажлаа авахаас өмнөх үе буюу 2022 оны санхүүгийн жилээс даруй гурав дахин давуулсан үзүүлэлт болохыг онцлов.

Дэлхийн банкны өөрийн тайлан балансаас олгосон зээлийн хамт энэ нь 2026 оны санхүүгийн жилд тус группийн нийт санхүүжилтийг 230 тэрбум ам.долларт хүргэсэн хэмээн Ройтерс агентлаг мэдээллээ.