Компанийн мэдээлэл

ЭТТ: Биржээр дамжуулан борлуулсан нүүрсний хэмжээ 40 сая тонн давлаа "Эрдэнэс Тавантолгой" компани нь 2023 оноос Монголын Хөрөнгийн Биржээр дамжуулан нүүрсний биржийн арилжааг эхлүүлсэн. Одоогоор 3.8 тэрбум ам.долларын үнэлгээ бүхий 40 сая тонн нүүрсийг 305 удаагийн биржийн арилжаагаар амжилттай борлуулаад байна.

"Цэцэнс Майнинг энд Энержи" компани 300 сая ам.долларын бонд гаргажээ "Цэцэнс Майнинг энд Энержи" (TME) ХХК нь 2026 оны эхээр 300 сая ам.долларын бондыг олон улсын зах зээлд амжилттай байршуулж, Монголын хувийн хэвшлийн санхүүжилтийн түүхэнд шинэ хуудас нээлээ.

“Монголын төмөр зам” Тавантолгойн олборлогч компаниудтай тээвэрлэлтийн гэрээ байгууллаа “Монголын төмөр зам” ТӨХК нь Тавантолгойн бүлэг ордын нүүрс олборлогч компаниудтай тээвэрлэлтийн гэрээ байгуулж, төмөр замын болон автотээвэр хосолсон (холимог) тээврийн нэгдсэн зохион байгуулалтыг үе шаттайгаар хэрэгжүүлж эхлээд байна.

“Гурвантэс XXXV” төслийн хий олборлолт шинэ дээд хэмжээнд хүрлээ TMK Energy компанийн эзэмшдэг Монгол дахь "Гурвантэс XXXV" төсөл хоногт олборлох нүүрсний давхаргын метан хийн хэмжээгээр шинэ дээд амжилт тогтоов.

ЭТТ: Энэ онд 32.9 сая тонн нүүрс борлуулан, 7.9 их наяд төгрөгийн орлого олохоор төлөвлөсөн “Эрдэнэс Тавантолгой” компанийн удирдлагууд компанийн 2025 оны үйл ажиллагааны тайлан 2026 оны төлөвлөгөө, хүлээгдэж буй гүйцэтгэлийн мэдээллийг (2026.02.26) танилцууллаа. 2026 онд “Эрдэнэс Тавантолгой” компани 35 сая тонн нүүрс олборлож, 32.9 сая тонн нүүрс борлуулан, 7.9 их наяд төгрөгийн орлого төвлөрүүлэхээр төлөвлөсөн.

ЭТТ: Хувьцаа эзэмшигч иргэдэд нэгж хувьцаанд 65.55 төгрөгийн ногдол ашиг тараана "Эрдэнэс Тавантолгой" компани 2025 онд 1.1 их наяд төгрөгийн цэвэр ашигтай ажилласан. Түүнээс нэгж хувьцаанд 65.55 төгрөг нийт 786.6 тэрбум төгрөгийг нийт хувьцаа эзэмшигчдэд олгохоос Монгол Улсын 3.5 сая хувьцаа эзэмшигч иргэдэд 208.5 тэрбум төгрөгийн ногдол ашиг олгоно.

Эрдэнэ Ресурс: Зуун Мод төслийн молибденийн хүдэржилт үргэлжилж, агуулга нэмэгдэж байна Эрдэнэ Ресурс (TSX: ERD, OTCQX: ERDCF, MSE: ERDN) компани Монгол Улсын баруун өмнөд бүсэд буюу Баянхонгор аймагт орших Хөндий Эрдсийн Дүүрэгт, Баянхөндий алтны ордоос зүүн зүгт 35 км-т орших компанийн 100% эзэмшлийн Зуун Мод молибден-зэсийн төслийн өрөмдлөгийн хөтөлбөрийн үр дүн болон техник, эдийн засгийн судалгааны явцын талаар (2026.02.17) мэдээллээ.

ОЮУТОЛГОЙН ХӨРӨНГӨ ОРУУЛАЛТЫН ӨРТӨГ Дэлхийд гуравт орох ирээдүйтэй зэсийн томоохон уурхай болох Оюутолгойн олборлолтын оргил үе хаяанд тулж ирсэн энэ үед Засаг Риотой хэлэлцээрт орж байна. Долоон жилд нэг удаа ярилцахаар тогтсон гэрээний заалтын дагуу хэрэгжиж буй энэ удаагийн хэлэлцээрийн гол зорилго нь Оюутолгойн өгөөжийг нэмэгдүүлэх явдал төдийгүй “Онтре”-ийн асуудлыг багтааж буйгаараа онцлогтой.

MMC-ийн ашиг буурсан ч хувьцааны ханш 28%-иар өслөө Хонгконгийн хөрөнгийн биржид бүртгэлтэй "Mongolian Mining Corporation" (HKG:975) компанийн хувьцааны ханш сүүлийн нэг сард 28%-иар өсөж, 2 дугаар сарын эхээр 13.33 хонконг долларт хүрчээ.

"Эрдэнэс Тавантолгой" компанийн дүрэмд өөрчлөлт орууллаа “Эрдэнэс Тавантолгой” компанийн Хувьцаа эзэмшигчдийн ээлжит бус хурал өнөөдөр буюу 2026 оны 02 дугаар сарын 06-ны өдөр Корпорейт Конвейшн центрийн хурлын танхимд боллоо. Ээлжит бус хурлаар компанийн дүрэмд "Компанийн гүйцэтгэх удирдлагыг гүйцэтгэх захирал, хувь хүн эсвэл багаар хэрэгжүүлж болно" гэсэн заалт нэмэлтээр оруулах тухай асуудлыг хэлэлцэн баталлаа.

ЭТТ: Хил нөхцөлтэй борлуулсан нүүрсний экспорт 2 сая тонн давж дээд амжилтаа шинэчиллээ Монгол Улсын Засгийн газрын шийдвэрээр нүүрсээ хөрш орны боомтуудад хүргэж өгөх нөхцөлөөр 2023 оны 02 дугаар сараас биржээр борлуулж эхэлсэн. Тийнхүү хүргэж өгөх нөхцөлтэй нүүрсний экспортын сарын хэмжээ 2026 оны 01 дүгээр сард 2 сая тонн давж 137.8 сая ам долларын үнэлгээ бүхий 2.04 сая тонныг экспортоллоо. Энэ нь өмнөх дээд амжилтаа 58.76 мянган тонноор ахиулсан гэсэн үг.

“Оюу толгой” компани 2025 онд улсын төсвийн татварын орлогын 9 хувийг бүрдүүлжээ "Оюу толгой" компани 2025 оны дөрөвдүгээр улирлын гүйцэтгэлийн тайлангаа танилцууллаа.

Эрдэнэ Ресурс $25 сая канад долларын хаалттай санхүүжилтийг тогтоосон үнээр татан төвлөрүүлнэ (2026.01.26) Эрдэнэ Ресурс Девелопмент Корп. (TSX: ERD; MSE: ERDN; OTCQB: ERFCF) нь $25 сая канад долларын хаалттай, тогтоосон үнээр худалдан авах баталгаатай санхүүжилт татан төвлөрүүлэхээр болсноо зарлалаа.

Нүүрс баяжуулах үйлдвэрийн конвейер, бутлуур, ачилтын байгууламжийг ашиглалтад хүлээж авах шийдвэр гарлаа Өмнөговь аймгийн засаг даргын "Улсын комисс томилох тухай" захирамжаар байгуулагдсан "Эрдэнэс Тавантолгой" ХК-ийн нүүрс баяжуулах үйлдвэрийн тэжээлийн нүүрсний тээврийн конвейер, бутлуур, ачилтын байгууламжийг байнгын ашиглалтад оруулах улсын комиссын ажлын хэсэг 2026 оны 01 дүгээр сарын 26-нд ажиллаж байнгын ашиглалтад хүлээж авах шийдвэр гаргалаа.

“Эрдэнэс Тавантолгой”-д ISO стандартын давтан аудит эхэллээ “Эрдэнэс Тавантолгой” ХК-д хэрэгжиж буй ISO 37301:2021 (Нийцлийн менежментийн тогтолцоо) болон ISO 37001:2016 (Авлигын эсрэг менежментийн тогтолцоо) стандартуудын Нэгдсэн тогтолцоонд давтан баталгаажуулалт хийх хөндлөнгийн аудит эхэллээ.

“Оюу толгой” Канадын VMT компанитай урт хугацааны гэрээ байгууллаа Канадын Хойд Онтарио мужийн Лайвли хотод төвтэй, далд уурхайн тоног төхөөрөмж, инженерийн чиглэлээр үйл ажиллагаа явуулдаг "Variant Mining Technologies" (VMT) компани "Оюу толгой" уурхайд ачааны машины ачих хоолой (truck loading chute) нийлүүлэх олон жилийн хугацаатай гэрээ байгууллаа.

"Эрдэнэ Ресурс": Баянхөндий алтны уурхай хүчин чадалдаа хүрч, 31 сая ам.долларын борлуулалт хийлээ Монгол Улсад өндөр агуулгатай, зардал багатай алт олборлолтын төсөл хэрэгжүүлж буй Эрдэнэ Ресурс Девелопмент Корпораци (TSX:ERD | MSE:ERDN) "Баянхөндий" алтны уурхайн 2025 оны 4 дүгээр улирлын (Q4) тайлангаа танилцууллаа.

Mongolian Mining Corporation 2025 оны үйл ажиллагааны тайлангаа танилцууллаа Хонгконгийн хөрөнгийн биржид бүртгэлтэй Mongolian Mining Corporation (MMC) 2025 оны үйл ажиллагааны нэгдсэн тайлангаа танилцууллаа.

Рио Тинто: 2030 он гэхэд Оюу толгой дэлхийн 4 дэх том зэсийн уурхай болох төлөвтэй Рио Тинто групп 2026 оны 1 дүгээр сарын 20-ны өдөр 2025 оны дөрөвдүгээр улирал болон бүтэн жилийн үйл ажиллагааны тайлангаа албан ёсоор олон нийтэд танилцууллаа.

ЭТТ: Нүүрсний экспортын хоногийн дээд үзүүлэлт 200 мянган тонн давлаа “Эрдэнэс Тавантолгой” компани 2026 оны 1 дүгээр сарын 13-нд биржийн болон урт хугацаат гэрээний нүүрсийг 1475 рейсээр 200.4 мянган тонныг экспортолж, өмнөх үзүүлэлтээс 11.2 мянган тонноор нэмэгдүүлж бүх цаг үеийн экспортын хоногийн дээд хэмжээг шинэчлэн тогтоолоо. Үүнээс Гашуунсухайт боомтоор 1241 рейсээр 168.7 мянган тонн, Ханги боомтоор 234 рейсээр 31.7 мянган тонн нүүрсийг тус тус экспортолжээ.