Компанийн мэдээлэл
“Оюу толгой” Канадын VMT компанитай урт хугацааны гэрээ байгууллаа
Канадын Хойд Онтарио мужийн Лайвли хотод төвтэй, далд уурхайн тоног төхөөрөмж, инженерийн чиглэлээр үйл ажиллагаа явуулдаг "Variant Mining Technologies" (VMT) компани "Оюу толгой" уурхайд ачааны машины ачих хоолой (truck loading chute) нийлүүлэх олон жилийн хугацаатай гэрээ байгууллаа.
ЭТТ: Нүүрсний экспортын хоногийн дээд үзүүлэлт 200 мянган тонн давлаа
“Эрдэнэс Тавантолгой” компани 2026 оны 1 дүгээр сарын 13-нд биржийн болон урт хугацаат гэрээний нүүрсийг 1475 рейсээр 200.4 мянган тонныг экспортолж, өмнөх үзүүлэлтээс 11.2 мянган тонноор нэмэгдүүлж бүх цаг үеийн экспортын хоногийн дээд хэмжээг шинэчлэн тогтоолоо. Үүнээс Гашуунсухайт боомтоор 1241 рейсээр 168.7 мянган тонн, Ханги боомтоор 234 рейсээр 31.7 мянган тонн нүүрсийг тус тус экспортолжээ.
ЭТТ: Биржийн экспортын дээд хэмжээг оны эхэнд шинэчлэн тогтоов
“Эрдэнэс Тавантолгой” компанийн бүх цаг үеийн биржийн экспортын хоногийн дээд хэмжээг шинэчлэн тогтоолоо. Нүүрсний борлуулалт, уурхайн ачилт, тээвэр логистикийн зохион байгуулалтыг сайжруулж экспортыг нэмэгдүүлэх арга хэмжээг үе шаттайгаар авч хэрэгжүүлсний үр дүнд 2026 оны 1 дүгээр сарын 04-нд нээлттэй цахимаар арилжаалсан нүүрсний экспортын хоногийн дээд хэмжээг 745 тээврийн хэрэгсэл, 101.4 мянган тонн болгон шинэчлэн тогтоолоо.
Эрдэнэт үйлдвэр: 2026 оныг үйл ажиллагааны шинэ дээд үзүүлэлтүүдээр угтаж байна
2025 оны хэмжээнд улс, орон нутгийн төсөвт төвлөрүүлсэн нийт 2.24 их наяд төгрөгийг задалж авч үзвэл, АМНАТөлбөр 1.1 их наяд төгрөг, ААНОАТ 575 тэрбум төгрөг, ногдол ашиг 230 тэрбум төгрөгийг тус тус эзэлж байна. “Эрдэнэт үйлдвэр” нь 21.6%-иар АМНАТ төлдөг төдийгүй татвар, хураамжаар “Оюу толгой” компаниас давсан үзүүлэлттэй байгаа юм. “Эрдэнэт үйлдвэр” урт хугацааны өр төлбөргүйгээр ажиллаж байна.
Гангийн үйлдвэр, Зэсийн баяжмал боловсруулах үйлдвэрийн төслүүдийг эрчимжүүлнэ
“Эрдэнэс Монгол” нэгдлийн гүйцэтгэх захирлын үүрэг гүйцэтгэгч Б.Даваадалай нэгдлийн бүрэлдэхүүн компаниудын удирдлагуудтай шуурхай уулзалт хийж, тодорхой (2025.12.22) үүрэг чиглэл өглөө. Уулзалтаар бүрэлдэхүүн компаниуд үйл ажиллагааныхаа өнөөгийн байдал, тулгамдаж буй асуудал, тэдгээрийг шийдвэрлэх боломжит гарц, шийдлийн талаар танилцуулж, санал солилцов.
ЭТТ: Нүүрсний экспортын хоногт гүйцэтгэх дээд хэмжээг шинэчлэн тогтоолоо
“Эрдэнэс Тавантолгой” компани энэ оны 12 дугаар сарын 15-ны өдөр биржийн болон урт хугацаат гэрээний нүүрсийг 1,352 рейсээр 182.7 мянган тонныг экспортолж, өмнөх үзүүлэлтээс 10 мянган тонноор нэмэгдүүлж бүх цаг үеийн экспортын хоногийн дээд хэмжээг шинэчлэн тогтоолоо. Үүний дотор Монголын хөрөнгийн биржээр арилжаалсан 86.7 мянган тонн нүүрсний экспорт нь биржийн тээвэр эхэлснээс хойших хамгийн өндөр үзүүлэлт юм.
ЭТТ: Биржийн нүүрсний экспортын дээд хэмжээг шинэчлэн тогтоов
“Эрдэнэс Тавантолгой” ХК уурхайн ачилт болон тээвэр логистикийн зохион байгуулалтаа үе шаттайгаар сайжруулсны үр дүнд биржийн нүүрсний экспортын хэмжээ өсөж, өчигдөр (2025.12.03) 82 мянган тонн нүүрс экспортлон, биржийн тээврийн дээд хэмжээг шинэчлэн тогтоолоо.
ЭТТ: Бортээгийн ордыг ашиглахаар бэлтгэл ажлыг хангаж байна
“Эрдэнэс Тавантолгой” компанийн эзэмшлийн Бортээгийн ордыг эдийн засгийн эргэлтэд оруулах бэлтгэл ажлын явцын талаар Засгийн газрын хуралдаанаар танилцуулсан байна. Энэ тухай тус компанийн Гүйцэтгэх захирлын үүрэг гүйцэтгэгч Н.Цэрэнсамбуу мэдээллээ. Энэ оны арваннэгдүгээр сард ТЭЗҮ-ийг шинэчлэн батлуулах үүрэг даалгавар өгсний дагуу “Эрдэнэс Тавантолгой” компани ордын нэгдсэн ТЭЗҮ-ийг шинэчлэх ажлыг хийж байна. Уг ажлын ирэх оны эхний улиралд багтаан дуусгах юм байна. Өмнө нь Бортээгийн ордын техник, эдийн засгийн үндэслэлийг 2020 онд боловсруулан батлуулсан байдаг ажээ. Бортээгийн орд нь нийт 424 сая тонн нүүрсний нөөцтэй. Үүний 95 хувь нь сул коксжих /22-25%-ийн үнслэг, 6000-6500 ккал илчлэг бүхий/, үлдсэн нь эрчим хүчний нүүрс /дунджаар 5000 ккал илчлэгтэй/ юм.
ERD: Баянхөндийн алт олборлолт оны эцсээр жигдэрнэ
“Эрдэнэ Ресурс” нь (TSX:ERD; MSE:ERDN; OTCQB: ERFCF) энэ оны гуравдугаар улирлын тайлангаа танилцууллаа. Компанийн ерөнхийлөгч, Гүйцэтгэх захирал Петер Акерли: “Манай баг хамт олон гуравдугаар улиралд Баянхөндий алтны уурхайгаас анхны алтыг олборлосон томоохон амжилттай байлаа. Анхны цооног өрөмдсөнөөс эхлэн олборлолт хүртэл 10 жилийг зарцуулснаараа Баянхөндий төсөл нь орчин үеийн хайгуулын түүхэнд нээлтээс олборлолт руу хамгийн хурдан хугацаанд шилжсэн төслүүдийн нэг боллоо. Хуваарийн дагуу оны эцэст Баянхөндий уурхайн олборлолтыг эрчимжүүлж, тогтворжуулахаар төлөвлөж байна” гэв.
ЭТТ он гарсаар 21 сая тонн нүүрс экспортоллоо
“Эрдэнэс Тавантолгой” ХК-ийн борлуулалт, ачилт, тээвэр логистикийн зохион байгуулалтыг сайжруулж, нүүрсний экспорт, гарцыг нэмэгдүүлэх арга хэмжээ авч хэрэгжүүлсний үр дүнд 2025 оны аравдугаар сарын 22-ны байдлаар нийт 21 сая тонн нүүрс экспортлоод байна. Үүнээс Гашуунсухайт боомтоор 20.5 сая тонн, Ханги боомтоор 0.5 сая тонн нүүрс тус тус экспортолсон бөгөөд 10 дугаар сарын 18-ны биржийн 406 тээврийн хэрэгсэл экспорт хийсэн нь энэ оны хамгийн өндөр үзүүлэлт болоод байна.
